Kəşmirdə cümə namazına mane oldular

Hindistan təhlükəsizlik qüvvələri bu ölkənin nəzarətində olan Kəşmirin Srinqer came məscidində cümə namazının qılınmasının qarşısını alıblar

İQNA (Beynəlxalq Quran Xəbər Agentliyi) Sahartv-yə istinadla xəbər verir ki, Hindistanın nəzarətində olan Kəşmirdə təhlükəsizlik tədbirləri gücləndirilib və 4 nəfərdən artıq toplaşma qadağan olunub.

Bunun ardınca, ötən gün Narndra Mudi hökuməti Kəşmirin müxtəlif bölgələri, o cümlədən Srinqerdə cümə namazının qılınmasına icazə verməyib.

Ötən üç ayda Kəşmirin Srinqer came məscidində cümə namazının qılınmasın qadağan edilmişdir.

Hindistanın nəzarətində olan Kəşmirin vəziyyəti ötən il təhlükəsizlik qüvvələri tərəfindən əl-Mücahidin partiyasının komandanı Burhan Müzəffər Vainin öldürülməsi ardınca gərginləşib.

Hindistan təhlükəsizlik qüvvələrinin Kəşmir əhalisinə hücumlarında indiyə qədər 200-dən çox sakin həlak olub və minlərlə nəfər yaralanıb.