Qədir Xum bayramı gecəsi və günü İmam Əlinin (ə) hərəmi zəvvarlarla dolub daşdı

Qədir Xum bayramını İmam Əlinin (ə) mütəhhər hərəmində qeyd etmək istəyən minlərlə zəvvar İraqın Nəcəfül Əşrəf şəhərinə axışıblar.

Deyerler.org-un verdiyi xəbərə görə, İmam Əlinin (ə) İlahi tərəfindən Peyğəmbərdən (ə) sonra ümmətə imam və rəhbər seçilməsi günü - Qədir Xum bayramı münasibətilə İmam Əlinin mütəhhər hərəmi minlərlə tər gül-çiçəklə bəzədilib. Hərəmdə “Mən kimin mövlasıyamsa, Əli (ə) də onun mövlasıdır” yazılmış plakatlar, bayraqlar asılıb. Hərəmin bütün meydanlarına asılan rəngli işıqlar isə, bayrama xüsusi bir rəng qatıb.