Tinatanggap ng Qatar ang mga Tagapaghanga ng Putbol sa Unang Kopa na Pandaigdigan ng FIFA sa Gitnang Silangan na may Pagbigkas ng Qur’an
Ang mga ugat ng Bedouin ng Qatar ay ipinakita noong Linggo sa panahon ng pagbubukas ng seremonya ng Kopa na Pandaigdigan. Nang buksan ng Emir ng bansa ang Kopa na Pandaigdigan, hinalikan niya ang kamay ng kanyang ama at tinanggap ang mundo sa pinakamalaking kaganapan ng putbol, sa unang pagkakataon na ito ay itinanghal sa Gitnang Silangan.
"Mula sa Qatar, mula sa mundo ng Arabo, tinatanggap ko ang lahat sa Kopa na Pandaigdigan 2022," sinabi ni Sheikh Tamim bin Hamad Al Thani. "Gaano kaganda na ang mga tao ay maaaring isantabi kung ano ang naghahati sa kanila upang ipagdiwang ang kanilang pagkakaiba-iba at kung ano ang pinagsasama-sama sila." Pagkatapos, sumabog ang mga paputok mula sa bubong ng Istadyum ng Al Bayty.
Ngunit ang nakabihag sa mundo at nabighani sa mga manonood ay ang pagbigkas ng mga talata mula sa Banal na Qur’an ng 20-taong-gulang na mambabasa ng Qur’an na si Ghanim Al Muftah, na isa ring embahador ng Kopa na Pandaigdigan ng FIFA.
"O sangkatauhan, tunay na nilikha namin kayo mula sa lalaki at babae at ginawa namin kayong mga tao at mga tribo upang kayo ay magkakilala," sinabi ng talatang binibigkas ni Ghanim. Ito marahil ang unang pagkakataon na nagbukas ang isang Kopa na Pandaigdigan ng FIFA na may Qur’anikong mga talata.
Si Ghanim, na ipinanganak na may isang bihirang kondisyon na nakapipinsala sa pag-unlad ng mas mababang gulugod, ay lumitaw kasama ng nanalo ng Oscar na aktor na si Morgan Freeman. Ang artistang Amerikano ay nakaupo sa gilid sa tabi ng Qatari na qari (isang taong bumibigkas ng Qur’an na may wastong mga tuntunin ng pagbigkas).
Isinalaysay ni Freeman ang pagbubukas na bahagi ng seremomnya ng pagbubukas ng 2022 na Kopa na Pandaigdigan, na pinamagatang 'Ang Pagtatawag', na nagsasabi sa mga manonood: 'Tayong lahat ay nagtitipon dito sa isang malaking tribo'.
"Paano magsasama-sama ang napakaraming mga bansa, mga wika at mga kultura kung isang paraan lang ang tinatanggap?" Sinabi ni Freeman sa karamihan.
"Kapag tumawag kayo dito, tinatanggap kayo namin sa aming tahanan," sinabi ni Ghanim, na tinutukoy ang 'bayt al sha'ar' o tolda na dating ginamit ng mga taong nasa disyerto ng Arabiano na peninsula para masilungan, na nagbigay inspirasyon sa disenyo ng istadyum.
"Narinig ko ang isang bagay na maganda. Hindi lamang musika, kundi pati na rin itong tawag sa pagdiriwang," nagsimula ang aktor.
Kinalaunan ay hinarap ni Freeman ang karamihan, na nagsasabing, "Putbol sa nagkakaisang mga bansa at ang kanilang pagmamahal sa magandang laro. Ang pinagsasama-sama ng mga bansa ay pinagsasama-sama rin ang mga komunidad."
