Çikaqo müsəlmanları aztəminatlı ailələr üçün pulsuz klinika açıb

Verilən son məlumatlara əsasən, Naperville İlsami Mərkəzinin dəstəyi ilə Çikaqoda aztəminatlı ailələr üçün pulsuz klinika açılıb.

İQNA (Beynəlxalq Quran Xəbər Agentliyi) Maide.Az-a istinadən xəbər verir ki, Naperville məscid və islami mərkəzi istifadəyə verilmiş kilinikada qeyri-müsəlmanların gediş-gəlişini təmin etmək üçün şəhərin ən qədim kilsəsi ilə əməkdaşlıq edir.

Kilinika artıq 3 aydır ki, fəaliyyətə başlayıb. Kilinikanın açılmasından məqsəd aztəminatlı ailələrin hörmətini qorumaq və onlara pulsuz xidmət göstərməkdir. Kilinikada dinindən və irqindən asılı olmayaraq bütün aztəminatlı insanlar müayinə olunur. Onlara tibbi xidmətlər göstərilir.

Qeyri-müsəlmanların kilinika ilə tanışlığını təmin etmək məqsədi ilə sentyabrın 16-da tibb və sağlamlıq sərgisi təşkil olunacaq. Sərgidə insanlar kilinikanın imkanları ilə tanış olacaqlar.