İlahi kitaba inananların gözəl xüsusiyyətləri
Termində Tövrat, Zəbur, İncil kimi onlara verilən kitablardan birinə inananların adı kimi istifadə olunur. Yəhudi və xristianlarla məhdudlaşmadan, ilahi bir dinə, Tövrata, İncilə, Zəbura və Məhəmməd (s) peyğəmbərə inananlar. Həmçinin İbrahimə (ə) verilən suhuf kimi kitaba inananlara kitab əhli deyilir.
Ali-İmran surəsinin 113-114-115-ci ayələri:
"Onların hamısı eyni deyil. Kitab əhli içərisində düzgün (sabitqədəm) bir camaat vardır ki, onlar gecə vaxtları səcdə edərək Allahın ayələrini oxuyurlar".
"Onlar Allaha, axirət gününə inanır, (insanlara) yaxşı işlər görməyi əmr edir, (onları) pis əməllərdən çəkindirir və xeyir işlər görməkdə yarışırlar. Onlar əməlisalehlərdəndirlər".
"Onların yaxşılıq naminə etdikləri işlərdən heç biri inkar edilməz (mükafatsız qalmaz). Şübhəsiz ki, Allah müttəqi olanları tanıyır!".
Həqiqət budur ki, kitab əhli (müsəlmanlar kimi) din və təqva baxımından heç də eyni deyillər. Onların arasında kitabı oxuyub ilahi ayələr üzərində düşünənlər də var. Həqiqətlə qarşılaşanda dərhal başlarını aşağı salırlar. Səcdənin əsl mənası budur. İslamın və bütün ilahi və səmavi dinlərin buyurduğu kimi, onlar qiyamət gününə inanır, yaxşı işlər görməyə çalışır, insanlara yaxşı işlər görməyi əmr edib, pislikdən çəkindirirlər. Bu, dünya və axirət səadətinin, hər iki dünyada qorxu və qəm-qüssədən uzaq olmağın şərtidir.
İran və İslam ədəbiyyatı, mədəniyyəti və irfanının müasir tədqiqatçılarından biri olan ustad Uilyam Çittik Şotlandiyanın Qlazqo şəhərində verdiyi mühazirədə İsa Məsihin (ə) müsəlman olması ilə bağlı uzun izahat verib.
Qurani-Kərimdə bir çox peyğəmbərlərin müsəlman olduğu bildirilir: “Yunis” surəsinin 72-ci ayəsində Allah Nuhun öz ümmətinə belə dediyi kəlamını nəql edir: "Mənə müsəlmanlardan (özünü Allaha təslim edənlərdən) olmaq əmr edilmişdir!". Həmin surənin 84-cü ayəsində Allah Musanın (ə) belə dediyini xəbər verir: “Musa dedi: “Ey qövmüm! Əgər Allaha iman gətirmisinizsə və təslim olmusunuzsa, Ona təvəkkül edin!”. Həmçinin yenə həmin surənin 90-cı ayəsində Firon boğulmaq və məhv olmaq vəziyyətinə düşərək Musanın Allahına və onun yoluna imanını bəyan etmək istədikdə deyir: “...Nəhayət, Firon boğulmaq üzrə ikən, dedi: " İsrail oğullarının inandıqlarından başqa heç bir tanrı olmadığına iman gətirdim. Mən artıq (Ona) təslim olanlardanam!".
Quranda müsəlman sözünün İslamdan əvvəl qəbilə və peyğəmbərlər üçün işlədildiyinə işarə edən çoxlu ayələr var.
Allahın bildirdiyi kimi, həm Xristianlıqda, həm də Yəhudilikdə 6-cı əsrin məşhur həkimi yəhudi Musa İbn Meymonid kimi həqiqi müsəlman xüsusiyyətlərinə sahib olan kitab əhlindən insanlar var idi. Meymon dünyasını dəyişəndə şəhərdə hər kəs onun dəfnində iştirak edir və özünəməxsus şəkildə dua edirdi.
Ustad Muhyiddin İlahi Qumşeinin “Quranla 365 gün söhbət” kitabından bir parçadır.
4119702
