Qurani-Kərim niyə Ramazan ayında nazil olub?
Quranın bu ayda nazil olması Quranla müqəddəs Ramazan ayı arasındakı məqam və dərəcə əlaqəsi ilə bağlıdır.
“Bəqərə” surəsinin 185-ci ayəsi: "Ramazan ayı insanların bələdçisi, aşkar hidayət dəlillərinə malik və (haqq ilə batili bir-birindən) ayıran Qur’anın nazil olduğu bir aydır. Buna görə də sizdən bu ayı görən (öz vətənində olan) kəs, onu (o ayı) oruc tutmalıdır. Xəstə, yaxud səfərdə olan kəs isə başqa günlərdə bir neçə gün (oruc tutmadığı günlərin sayı qədər oruc tutmalıdır). Allah sizin üçün asanlıq istəyir, sizin üçün çətinlik istəmir. Həmçinin (istəyir ki,) müəyyən olunmuş miqdarı (otuz günü) tamamlayasınız və sizi hidayət etməsinin şükrü olaraq «təkbir» deyərək Allahı əzəmətli sayasınız, bəlkə (Onun) şükrünü yerinə yetirə bildiniz".
Ramazan ayının niyə belə xüsusi yeri var? Ramazan ayı ilə Quranın həqiqəti və mahiyyəti arasında hansı əlaqə var?
Fəlsəfi bir yanaşmaya görə, varlıq sistemi daxilində araşdırıla bilən məsələlərdən biri də Quran ilə Ramazan ayı arasındakı əlaqənin mahiyyəti və əlaqəsidir. Qurani-Kərim bəşəriyyət üçün qurtuluş bələdçisidir. İnsanları dünya və axirət səadətinə çatdırmaq üçün göndərilmişdir.
Bu dəyərli nüsxənin yeganə müəllifi Uca Allahdır və Onun istəyi ilə nazil olmuşdur. Peyğəmbərimizin (s) bu kitabı layiqincə yerləşdirməkdən başqa vəzifəsi yox idi. Belə bir kitab öz vəziyyətinə uyğun şəraitdə ortaya çıxmalıdır.
Allah dərgahında etibarlı olan dini təqvim qəməri aylarıdır və bu ayların sultanı mübarək Ramazan ayıdır. Qurani-Kərim yüksək məqama malik olduğu üçün bu məqama uyğun bir zamanda nazil edilməlidir.
Qurani-Kərimin nazil olması üçün ən uyğun vaxt müqəddəs Ramazan ayıdır. Çünki bu ay insanları təmizliyə hazırlayır və Quranın mənasını anlamağa kömək edir. Allah Bəqərə surəsinin 185-ci ayəsində Quranın nazil olmasını Ramazan ayının ən mühüm xüsusiyyətlərindən biri kimi qeyd edir.
