Algeriano, Malaysiano, Indonesiano na mga Qari Nanalo sa Katara na Gantimpala ng Quran sa Qatar
Inihayag ng Cultural Village Foundation (Katara) ang pagpuputong sa pinakamataas na tatlong mga posisyon sa seremonya.
Nasungkit ni Yassin Amran mula sa Algeria ang unang gantimpala na nagkakahalaga ng QR 500,000, habang ang pangalawang gantimpala ay napunta kay Mohamed Husseini Mahmor mula sa Malaysia, na nagkakahalaga ng QR 300,000. Ang ikatlong gantimpala ay iginawad kay Mohamed Fuji Ridwan mula sa Indonesia, na may halagang QR 100,000.
Kasunod ng seremonya ng pagkokorona, ang Punong Tagapamahala ng Katara, si Dr. Khalid bin Ibrahim Al Sulaiti, ay nagpahayag ng matinding pasasalamat sa Kagawaran ng Awqaf at Islamilkong mga Kapakanan, ang opisyal na punong-abala ng Katara na Gantimpala na Pagbigkas ng Quran, para sa kanilang patuloy na suporta, na nagpapataas ng parangal sa isang kilalang pandaidigan na katayuan.
Ipinaabot din niya ang kanyang taos-pusong pasasalamat sa Qatar Television, ang media na kasama ng gantimpala, para sa pagpapalawak ng abot ng Katara na Gantimpala sa Pagbigkas ng Quran sa pamamagitan ng pagsasahimpapawid ng mga panghuling kuwalipikasyon sa buong mapagpalang buwan ng Ramadan.
Ang mga kasapi ng komite ng paghuhukom ng Katara na Gantimpala na Pagbigkas ng Quran, sa parehong mga kategorya ng Tajwid at pagganap ng boses, ay binigyang-diin na ang edisyong ito ng parangal ay nailalarawan sa pagkakaiba-iba ng mga kalahok mula sa humigit-kumulang 64 na mga bansa sa buong mundo, na nagpapahusay sa kapaligirang mapagkumpitensiya nito.
Samantala, ang mga nanalo ng Katara na Gantimpala na Pagbigkas sa Quran ay nagpahayag ng kanilang kagalakan sa pagtanggap ng kilalang premyo sa buong mundo, na binanggit ang pambihirang organisasyon nito at ang pagkakaiba-iba ng mga kalahok mula sa lahat ng mga kontinente.
