İncil və Tövratı təsdiq edən kitab
Quran “Ali-İmran” surəsinin əvvəlində onun sifətlərindən birini şahidlik və əvvəlki müqəddəs kitabları təsdiq etmək hesab edir. Həmçinin Tövrat və İncilin adını çəkir: "Sənə özündən əvvəlkiləri (səmavi kitabları) təsdiq edən Kitabı (Quranı) haqq olaraq O nazil etdi. Tövratı da, İncili də O endirdi" (Ali-İmran, 3).
Bu ayə dinin Allah yanında tək bir din olduğunu təsdiq edən ayələrdən biridir. Dinlər deyilən sözlərdən istifadə etmək düzgün ifadə deyil.
Tək bir din var, o da Allaha təslim olmaqdır: "Allah yanında din İslamdır (və haqqa təslimiyyətdir)" (Ali-İmran, 19). Yaxud Quranın başqa bir yerində buyurulur: "Kim islamdan başqa bir din ardınca gedərsə, (belə bir din) heç vaxt ondan qəbul olunmaz və o, axirətdə zərər çəkənlərdən olar!" (Ali-İmran, 85).
İslam, xristianlıq, yəhudilik və s. formada gələnlər isə müxtəlif şəriətlərdir ki, bunların hamısı Allaha təslim olmağı tələb . Bu şəriətlərin həqiqəti ziddiyyət deyil, onların fərqləri kamillik və naqislikdədir. Amma Quranın şəhadətinə görə, bu gün müqəddəs kitablar arasında görünən fərqlər (bəzi insanların) həmin kitablarda dəyişikliklər etməsinin nəticəsidir. (Bax: Ali-İmran surəsinin 78-ci ayəsi və digər ayələrə).
Lakin şəriətlər arasındakı fərqlərin kamillik və naqislik olduğunu izah etmək lazımdır. Təsəvvür edin ki, siz bir gəncə kitab verirsiniz, ona A kitabını göstərirsiniz və ona deyirsiniz ki, bu kitab sizi 20% inkişaf etdirəcək. Ona həmçinin B kitabını göstərirsiniz və bu kitabın sizi 45% inkişaf etdirəcəyini və Ümumi məlumatınız artacaq deyirsiniz. Habelə ona C kitabını göstərirsiniz və bu kitabın inkişafınızı 90% artıracağını söyləyirsiniz.
Bu misalı qeyd etməklə başa düşürük ki, üç kitab A, B və C bir-biri ilə ziddiyyət təşkil etmir. Lakin bu kitabların hər biri insanın inkişafı üçün müxtəlif istedadlara malikdir. Ona görə də bu şəriətlər arasındakı fərqlər onların insanın inkişafı üçün müxtəlif istedadlara malik olmasıdır.
Allah bu ayədə Quranın nazil olmasını haqqla birlikdə hesab etmişdir. Haqq əslində (uyğunluq və harmoniya) mənasındadır. Bu səbəbdən də mövcud həqiqətə uyğun olanı haqq adlandırmışdır. Həmçinin Allaha (haqq) Ona görə deyirlər ki, onun müqəddəs mahiyyəti kainatdakı ən böyük inkaredilməz reallıqdır. Başqa sözlə: Quranın haqqla birlikdə nazil olması bu məsələnin danılmaz bir həqiqət olması, onda heç bir batil olmaması deməkdir.
