ایکنا نیوز- خبررساں ادارے مصراوی کے مطابق اسٹاک ہوم میں اسرائیلی سفارت خانے کے سامنے تورات اور انجیل جلانے کی اجازت کے باوجود شہری نے فیصلے پر عمل سے انکار کردیا۔
احمد نامی شہری اسرائیلی سفارت خانے کے سامنے پہنچ گیے جہاں انکو اجازت مل گیی تھی کہ وہ تورات کو جلا سکتا ہے۔
تاہم مسلمان شہری نے کہا کہ انکا مقدس کتاب کو جلانے کا ارادہ نہیں اور کسی مقدس کتاب کو جلانے کی اجازت نہیں ملنی چاہیے، انہوں نے قرآن مجید جلانے کی بھی شدید مذمت کی۔
شامی نژاد سوئیڈش شہری کا کہنا تھا کہ انکا مقصد یہ تھا کہ تمام مذاہب کی کتب اور مقدسات کے احترام کو اجاگر کرسکے۔
تورات و انجیل جلانے کے فیصلے کے خلاف بڑے پیمانے پر مذمتی پیغامات جاری ہوئے تھے۔/
4155312